El Sisay Pacha Raymi – Fiesta de Florecimiento /Carnaval – de Cacha; elemento constitutivo de la memoria colectiva y cosmovivencia ancestral del pueblo Cacha = Cacha Sisay Pacha Raymi: Cacha runakunapak kawsayta yuyachik shinallatak sinchiyachik hatun raymi

Abstract:

Kay killkakunapika, Chimborazo markapak, Riobamba kiti, Cacha kitilli runakunapak carnaval raymi hawa yachankapak munashkanchik, chaypakka, wakin tapurikunata shinallatik munaykunata churashpa kay llankaytaka kallarishkanchik. ¿Ima shina ñawpapacha taytakunapak yuyaykuna Carnaval raymi ruraypi kawsakun? ¿ima mushuk kawsay yuyaykunawan carnaval raymichika chapurishpa kan? ¿ima shina carnaval raymika Cacha kitilli runakunapak kawsayta shuktakyachin? shamuk watakunapi ¿ima shina carnaval raymi ruray katinkapak rikurishka?. Chay tapurikunamantaka wakin tarikunawanmi kay llankaypika kashna sakirishka kan: Shukniki wankuriypika1 Cacha runakunapak ñawpa kawsay ima shina kashkata, may pachamanta kay llakta runasamay tiyashkatapashmi rikuchin, chayta rurankapakka, wakin yachakuk runakunapak killkashkapi wankurishpa Puruwá runakunapak ñawpa kawsayman tikrashkanchik. Kay niki wankuri ukullapitakmi, runakunapak kawsay hatun yuyaykuna, ima shina mishukunapak kawsay yuyaywan chapurishkatapash rikuchishka kan. Ishkayniki wankuripika Carnaval raymi ima shina purimushkatami riksichin. Chaypakka, carnaval raymi maymanta rikurishkata, kay raymi ima shina runakunapakman yaykushkata shinallatik runakuna kay raymita ima shina mushukyachishkatami riksichin. Tukuchinkapakka, kay kimsaniki wankuripika, kunanpachapi carnaval raymita Cacha runakuna, ima shina paktachik kashkata shinallatik ñawpapacha kawsaysamay charik kashkatami rikuchinchik. Kay killkaypika, Cacha llakta runakunapak hatun raymi kawsarichun yanapay yuyaykunatami churashkapash kan, ashtawanka, Carnaval ninkapak rantika Sisaypacha Raymi kachun yuyachishka sakirin, chaytaka, ñawpa tayta mamakunapak yachayta pakta sinchiyachi munaywanmi shina churashpa sakirishka, shinallatik tukuy killka yuyaykuantaka kichwa shimipimi churashka kan.

Año de publicación:

2017

Keywords:

• IDENTIDAD CULTURAL
• CARNAVAL DE CACHA
• CARNAVALES
• Cultura Popular
• Fiestas populares

Fuente:

rraae